盘口分析：联赛无望全力欧战 车路士受让着数多

欧联16强首回合，多蒙特主场迎战车路士。「蓝战士」冬窗期间疯狂烧钱，喺英超争标无望下，欧联成为佢哋主要战场，战意唔使怀疑，加上佢哋近5仗欧联作客4胜1负，往绩有保证，车仔受让平半必捧让球客胜。（Now 643周四凌晨4时直播）

车路士新班主保利极度重视欧联，由佢分组赛首仗不敌萨格勒布戴拿模，赛後立即炒咗杜曹可见一斑；虽然球队喺联赛接连失利，朴达仍获班主支持并积极增兵，买入祖奥菲历斯、梅迪历、安素费南迪斯等高质球员，车仔同新埋班冇分别，近4仗虽只得1胜3和，但表现渐入佳境，4仗合共只失1球，加上欧联作客往绩理想，仍值得投以信心一票。

多蒙特拥有祖迪比宁咸、马高列奥斯、祖利安白兰特等球星，射手施巴斯坦贺拿亦抗癌成功复出，近期喺本土赛亦获得6连胜，不过喺欧联表现就唔及车路士咁好，分组赛同另一英超球队曼城同组，两场交手仅得1和1负，再数佢哋近年对英超球队都系输多赢少，多蒙特对上一次击败英超球队，要数到2014年9月赢阿仙奴，明显有「恐英症」，今场对车路士亦难有好结果。

文章关键字：_英超_曼城