名家推荐：抢入季後赛阿联要大起光辉

大年三十下午澳职有波睇，就系阿德莱德联主场迎战珀斯光辉，阿德莱德联遭遇2连败，争入季後赛机会大受打击，主场对住排尾2嘅珀斯光辉，肯定会豁出去抢攻求拎3分，3.5球嘅入球大值得一博。

（无线myTV Super周五下午4时45分直播）

阿德莱德联上仗0比4大败於中岸水手脚下，不过佢哋喺主场表现始终唔差，对上5次主场出击只系输过1次，包括试过4比3赢FC悉尼，具备一定入球能力，今仗应该有能力喺珀斯光辉身上抢到分数。

作客嘅珀斯光辉防线不稳，近12场联赛都有失波，但球队状态有所回升，近3仗拎到2胜1和，包括上仗以4比2击败墨尔本城，近8场有7次总入球开出4球或以上，一於再追3.5球嘅大盘。