单场推荐：斯洛伐克守强攻弱献细

至於J组另一场，斯洛伐克主场迎战列支敦士登。虽然列支敦士登系欧洲鱼腩，但斯洛伐克守强攻弱，近15场赛事未试过入波多过2球，今场对列支敦士登未必一定大炒，加上近5次交手，4次开2球或以下，今场3.5球入球细可以一试。（周二凌晨2时45分开赛）

斯洛伐克上场激斗葡萄牙，主场一度揿住葡军嚟踢，更曾经有前锋舒兰斯喺上半场射门中柱，可惜最终以0比1输波，球队续於主场出击，理应睇高一线。事实上，斯洛伐克对住列支敦士登堪称「实食无黐牙」，近10次交手获9胜1和，今场3分可谓袋袋平安，可以继续力逼榜首葡萄牙，不过主W太热，投注策略要转转。

睇番斯洛伐克近年比赛，佢哋防守力唔错，不过对上一次一场可以入得多过2球嘅赛事，已经要数到2021年11月，今场有机会睇住嚟食，唔会大炒；而列支敦士登攻力欠奉，最近9场夹埋先入过1球，加上双方近5次对碰，4次开2球或以下，今场玩入球细似乎更啱数。