赛事更新：甘士比旺细继续追

今晚继续有英乙赛事，曼斯菲主场迎战甘士比（上图），曼斯菲联赛排第8，想升班就要努力抢分，至於排15嘅甘士比踢紧风流波，杀入英足盃8强有晒交代，今场返到联赛再搏杀，佢哋近4仗联赛全开2球或以下，吼实中位数2.5球入球细。（周四凌晨3时45分开赛）

曼斯菲属於争升班边缘分子，同第3位嘅诺咸顿相距10分，争直接升班资格就要继续努力，但佢哋始终同升班附加赛几队分数较为接近，有抢分动力。只可惜球队近况一般，近4仗仅赢1场，对上一次主场对升班竞争对手沙福特城更大败2比5，今仗就算有主场之利，都冇赢波把握。

甘士比排第15，升班无望又不愁降班，即系踢紧风流波，球队可以为下季做准备，球员冇压力下随时有更好表现。佢哋刚喺英足盃杀入8强，上仗越级挑战白礼顿，结果输0比5出局。乙组仔对住英超前列球队，同当时得令嘅三笘薰交手，大败好正常，相信唔会影响信心，不过上场输咁多，返到联赛都会做好防守，既然佢哋联赛旺开细，一於再追。

文章关键字：_英超