赛事前瞻：坦哈格即场分析兵团曝光

曼联今季喺坦哈格执教下脱胎换骨，呢位荷兰教头嘅先进训练方法效果显着，佢对战术细节嘅要求更加严谨，近日1张曼联作客巴塞隆拿期间嘅相片疯传，以技术总监费查为首嘅8人团队（图）全面曝光，喺现场1人1机分析比赛数据，即场为坦哈格提供资讯，场面壮观。

据英国媒体报道，欧霸盃作客巴塞嗰阵，8人分析团队喺看台上一字排开，每人手上都有电脑进行分析，除技术总监费查同门将教练夏迪斯、莫臣之外，仲有5名影片分析师列阵，当中大部份都系坦哈格上任後聘请，包括佢喺阿积士嘅分析师奇云凯治，另外亦有嚟自日本嘅分析师长谷川海田。收集完影像数据後，仲会传返去卡宁顿训练基地嘅中央数据库，畀首席分析师布礼特收集处理，架构非常精密。