名家推荐：斗萨尔斯堡罗马精打细算

另一场欧霸淘汰圈附加赛首回合，由欧联降格落嚟嘅萨尔斯堡，主场迎战上届欧协联冠军罗马。萨尔斯堡喺国内就也文也武，但出到欧洲赛对住劲旅就入唔到波，罗马教练摩连奴善於计算，作客将会加强防守，次回合返主场先至同你搏命，今场宜向2.5球入球细埋手。

（Now 644周五凌晨1时45分直播）

萨尔斯堡欧联分组赛同车路士、AC米兰及萨格勒布戴拿模同组，结果只得1胜3和2负排3，要降格落嚟踢欧霸附加赛，最大问题系，奥地利联赛竞赛水平比起其他联赛低，即使喺国内经常大炒对手，但出到欧洲赛就露晒馅，欧联6战只入得5球，今场遇着罗马，相信亦好难入到波。

罗马今届欧霸个头开得唔靓，好彩急起直追，喺最後一场分组赛击败卢多格德斯取得小组次名，得以踢附加赛。教练摩连奴赢尽欧洲三大盃赛，经验老到，点样踢两回合嘅赛事点会难到佢。虽然今季罗马中前场实力不俗，整体战术减少咗「泊大巴」，但淘汰赛场合，尤其系作客，摩连奴亦唔会太过进取，预料会加强防守，加上罗马近7场，有5次总入球开2球或以下，今场拣2.5球入球细似乎更合适。